“Është një fakt evident që të gjithë mjekët janë duke ikur dhe ky trendi i vazhdueshëm në këtë tre vitet e fundit, në këtë 3 mujor të këtij viti janë mbi 64 mjekë që kanë marrë certifikatë të sjellës së mirë e cila ju duhet për të realizuar një kontratë jashtë vendit. Në bazë të statistikave, ky është dyfishi duke llogaritur me vitin paraprak ose me dy vitet paraprake është dyfishi në 3 muajt e parë këtë vit. Domethënë është dyfishi me tre muajt e parë të viteve paraprake, 2021, 2020, 2019” ka thënë Gjonbalaj.
I futar në emisionin “Ditari” në Tëvë1, Gjonbalaj është shprehur se janë kushtet e punës ato që po i detyrojnë mjekët të ikin nga Kosova dhe nëse vazhdohet me këtë trend sipas tij do të ketë dyfishim të numrit të mjekëve që do të ikin.
“Janë kushtet e punës që po e krijojnë këtë, fatkeqësisht gjysma e mjekëve janë nga ata të cilët e kanë filluar specializimin në vitin e fundit dhe nuk shohin perspektivë në bazë të politikë bërjes që është duke u bërë. Në bazë të këtij trendi do të ketë dyfishim të numrit të mjekëve që do të ikin. Mund të pritet që të kemi lëvizje të mjekëve apo zhvendosje të mjekëve në perëndim edhe duke shtuar faktit se janë 600 mjekë pa punë, nga këta janë 550 mjekë të rijnë të cilët sapo e kanë përfunduar fakultetin dhe janë pa punë”, ka thënë Gjonbalaj në Tëvë1.
