Në një konferencë për media në një-vjetorin e punës së saj, Osmani u shpreh se tash pas përfundimit të zgjedhjeve mund të ketë intensifikim të procesit.
Por, ajo deklaroi se ka qenë Serbia ajo që vazhdimisht ka tentuar që ky proces të zvarritet dhe Kosovën ta paraqes si “punë të papërfunduar”.
“Institucionet e Kosovës kanë informuar BE-në se jemi të gatshëm të marrim pjesë në dialog qoftë në nivel të kryeministrit apo tjera sa herë që ftohemi nga BE asnjëherë mungesa e këtyre takimeve nuk ka qenë për shkak të mungesës së gatishmërisë së Kosovës. Tani që nuk do të ketë zgjedhje mund të ketë intensifikimin të procesit besoj dhe interesim më të madh por siç e thashë më herët përderisa unë mund të garantoj për vullnetin e qartë të Kosovë që të angazhohemi në këtë proces ku përqendrohemi në njohjen reciproke nuk mund të garantoj se si sillet Serbia sepse sjelljet e tyre kanë treguar që qëllimi i tyre është që të zvarritet procesi që ta paraqesin Kosovën si punë të papërfunduar megjithatë Rerpublika e Kosovës është punë e përfunduar, është këtu për të qëndruar përherë”, tha ajo.
Tutje, presidentja u shpreh e bindur se “do të vijë një moment kur komuniteti ndërkombëtar do ta kuptojë se nuk mund të vazhdohet të akomodohet Vuçiqi në mënyrën se si është akomoduar deri më tash”./teve1.info/
