Kryetari i AAK-së, Ramush Haradinaj në një konferencë për media u shpreh se kanë kërkuar rishikimin e buxhetit për shkak të rritjes së çmimeve.
“Ju kemi ftu që të ju njoftojmë se si AAK kërkojmë urgjentisht të ndodh rishikimi i buxhetit të Kosovës për vitin 2022. Praktikat ekzistojnë të rishikimit është një rishikim tradicional mes të vitit por kërkojmë të ndodh tani pra urgjent analiza e jonë pra e departamentit të buxhetit dhe financave, eskpertëve është që kanë vlerëu se të gjitha parashikimet që është bazuar ky buxhet ka ndryshuar inflacioni, janë rritë cmimet, ka ndryshim në të hyrat dhe ka një situatë urgjente të krizës në Kosovë bazuar në këtë si AAK sugjerojmë qeverisë të ndërmerr menjëherë rishikimin e buxhetit”, deklaroi ai.
Tutje, Haradinaj ka kërkuar nga Qeveria edhe heqjen e TVSH-së për artikujt bazë ushqimor si dhe largimin e akcizës për naftën.
“I propozojmë Qeverisë që të parasheh disa instrumente me të cilat do të ndërhyjnë në krizën financiare në vend për faktin ose fjalën për fuqinë blerëse dhe vështirësitë që po kalojnë qytetarët e vendit ekziston mundësia është reale heqja e TVSH-së, për artikujt bazë ushqimorë për një kohë rreth 3 muajsh për tu rimbursu më tutje, kështu largimi i akcizës për naftën për shkak se akciza dhe çmimi i rritur i naftës ka ndikim direkt në rritjen e çmimeve tjera”, shtoi ai./teve1.info/
