Kryeministri i Kosovës, Albin Kurti, e ka përkujtuar Diturije Deliun, foshnjën e cila i mbijetoi masakrës së 26 shtatorit në Abri të Epërme, por vdiq më 19 nëntor.
Kurti thotë se Diturija ishte gjetur e fshehur nën trupin e nënës së saj.
“Diturije Deliu do të festonte sivjet ditëlindjen e 25-të. Ishte e vetmja që i mbijetoi masakrës së 26 shtatorit 1998. I kishte gjashtë javë. Forcat e armatosura serbe ia masakruan 22 anëtarë të familjes. Ajo u gjetë e gjallë. Fshehur nën trupin e nënës Lumnije. Nënës mburojë”, ka shkruar Kurti në Facebook.
Kurti thotë se Diturija është një foshnjë që fle përjetësisht në pllakën përkujtimore.
“Diturija është foshnja që fle. Përjetësisht. Kështu është përjetësuar në pllakën përkujtimore. I përjetshëm është kujtimi për të. Të paharruara e të pafalshme janë krimet e Serbisë në Kosovë”./teve1.info/
