Deputetja e PDK-së, pati kritika edhe ndaj presidentes, Vjosa Osmani ku mes tjerash tha se si PDK është e shqetësuar lidhur me pozicionimin e saj karshi problemeve në vend.
“PDK është e vëmendshme lidhur me situatën e rëndë që ndodhet vendi. Kemi parashtruar qe 2 javë kërkesë mirëpo kryeministri dhe ministrja kanë qenë jashtë vendit. U vendos që me datën 12 prill të diskutohet lidhur me politikën e jashtme”, tha Deliu-Kodra.
Ajo tutje shtoi se presidentja Osmani do të duhej të ishte aty sa herë që cenohen interesat e qytetarëve të vendit.
“Ne si PDK disa here kemi shprehur shqetësime lidhur me pozicionin e saj. Ajo do të duhej gjithmonë ta paraqiste unitetin e shtetit. Sa i përket çështjes së energjisë dhe çështje të tjera Presidentja do të duhej të ishte në vend. Sa herë që cenohen interesat e qytetarëve, presidentja Osmani do të duhej të ishte në pozitën e saj. Ka pasur raste kur është cenuar mirëpo presidentja s’ka qenë aty”, tha ajo./EO/
