“Amerika është përgjegjëse për ndalimin e këtyre bisedimeve… një marrëveshje është shumë e arritshme,” tha Saeed Khatibzadeh në një konferencë javore për shtyp.
Departamenti Amerikan i Shtetit tha të enjten se një numër i vogël çështjesh të pazgjidhura mbeten në bisedimet bërthamore, duke shtuar se përgjegjësia ishte e Teheranit për t’i marrë ato vendime.
Khatibzadeh në një konferenvë javore për shtyp tha se Teherani ka kërkuar garanci që çdo president i ardhshëm i SHBA-së nuk do të tërhiqej nga marrëveshja. Ai gjithashtu shtoi se Teherani ishte gati të rifillonte bisedimet me rivalin e tij kyç rajonal, Arabinë Saudite, nëse Riadi tregon gatishmëri për të zgjidhur çështjet e pazgjidhura dypalëshe.
Një kërkesë ruse i detyroi fuqitë botërore të ndalonin negociatat bërthamore në fillim të marsit, por Moska më vonë tha se kishte shkruar garanci se tregtia e saj me Iranin nuk do të ndikohej nga sanksionet e lidhura me Ukrainën, duke sugjeruar se Moska mund të lejojë një ringjallje të paktit të prishur për të ecur përpara.
