Nuk ka kaluar propozimi i Lëvizjes Vetëvendosje për të futur në rend dite, në seancën e sotme, pikën për votim të rekomandimit për shkarkimin e Agron Bekës nga Këshilli Prokurorial i Kosovës.
“Vetëm 60 deputetë kanë marrë pjesë në votim. Nuk ka kuorum. Vazhdojmë me pika tjera”, ka thënë Glauk Konjufca dhe ka vazhduar me seancën.
Në dy herët e kaluara ka dështuar votimi për rekomandimin për shkarkimin e Bekës nga pozita e anëtarit të KPK-së.
Më 2 nëntor, në mungesë kuorumi, ishte shtyrë për seancë tjetër votimi i rekomandimit për shkarkimin e anëtarit joprokuror në KPK.
