Shefi i Zyrës së Bashkimit Evropian në Kosovë, Tomas Szunyog, ka thënë se Kosova duhet të bëjë hapa në tri fushat që janë përmendur në deklaratën e 27 vendeve anëtare të BE-së të lëshuar më 3 qershor, për heqjen e masave.
Ai ka thënë se njëra nga to është që Kosova të angazhohet në dialog përfshirë edhe themelimin e Asociacionit të komunave me shumicë serbe.
”Deklarata e 27 vendeve anëtare ka qenë shumë e qartë. Aty pritet veprime nga Kosova në tri fusha. De-përshkallëzimi në veri e dyta është zgjedhjet lokale të parakohshme në veri dhe e treta është angazhimi në dialog duke përfshirë themelimin e Asociacionit. Pra këto janë fushat ku ne presim hapa të ndërmerren. Shpresoj që hapat të ndërmerren sa më shpejtë që ne të mund të heqim masat dhe Kosova të gëzojë potencialin jo vetëm nga mekanizmat ekzistues por edhe nga plani i ri i rritjes”, ka thënë ai në një konferencë për media bashkë me zv.kryeministrin Bislimi pas dorëzimit të raportit të Komisionit Evropian për Kosovën, përcjell teve1.info
Ai tha se raporti vlerëson disa hapa siç janë reduktimi i forcave policore afër objekteve komunale në veri.