Ministrja e Punëve të Jashtme, Donika Gërvalla po merr pjesë në Konferencën Ministrore të Frankofonisë në Kamerun, e cila si temë qendrore ka “Qeverisja e mirë: Garancia e stabilitetit politik, ekonomik dhe kulturor për qytetarët frankofonë”.
Në një njoftim bëhet e ditur se Gërvalla po takohet me përfaqësues të shteteve që nuk e kanë njohur Kosovën, “me qëllim lëvizjen e tyre në drejtim të njohjes sa më parë”.
“Në margjinat e kësaj konference dyditore, Ministrja Gërvalla po shfrytëzon mundësinë e takimeve me shumë përfaqësues të shteteve anëtare Frankofone nga Afrika dhe jo vetëm, kryesisht shtete që ende nuk e kanë njohur Republikën e Kosovës, me qëllim lëvizjen e tyre në drejtim të njohjes sa më parë të Republikës së Kosovës”, thuhet në njoftimin e MPJD-së. /Teve1.info/
