“A u qetësove kryeministër”, ishin fjalët e kryetarit të PDK-së, Memli Krasniqi, pas raportimit në Kuvend të kryeministrit Albin Kurti për takimin në Bruksel.
“Se u bonën marak këta të tutë kur të panë ashtu. A je mirë?”, shtoi Krasniqi, përcjell teve1.info
Tutje, ai tha se nuk e di a të qesh a të qajë me fjalimin e Kurtit.
“E vërteta është se sot vështirë për mu personalishtt, po besoj për shumicën këtu, me ditë a me qesh a me qajt me fjalën tane. A me qesh që erdh dita dhjetë vjet ma vonë, me ardh në këtë të njëjtën foltore ti me mbrojt Zajednicën. A është kjo për me qesh, që ti vjen e na kallxon çfarë propozimi të mirë ke pranu për Zajedincën”, theksoi kreu i PDK-së.
Krasniqi e pyeti kryeministrin Kurti se “a ka naj zor” që ka pranuar draft-statutin e marrëveshjes më 26 tetor, teksa shtoi se nuk është asgjë nëse ai do ta pranonte se ka bërë gabim.
“Njerëz kanë humb jetë tu të njek ty në kundërshtim të Zajednicës, kështu që na 10 dhjetë vjet mundemi me fol për këtë temë, ama zotni, dil kallxona, pse e pranove, a ki naj zor? A ki naj problem apo veç e ke kuptu që je kanë 10 vjet gabim. Nuk është kurgjo me kuptu që je kanë gabim, nëse e kupton mas 10 vjete dil nuk është marre, krejt bojmë gabime politike, personale, në karrierë, dhe ti ke bo gabim”, potencoi ai.
Teksa para Krasniqit, kryeministri Kurti bëri të ditur se ka shumë që po flasin në emrin e tij duke thënë se është pranuar draft-statuti, derisa u shpreh se një gjë e tillë nuk është e vërtetë. /Teve1.info/
