West Ham po mendon seriozisht për merkaton e janarit, me trajnerin Moyes që kërkon të përforcojë skuadrën dhe sidomos repartin e mesfushës.
Së fundmi, mediet britanike kanë raportuar se anglezët kanë nisur nga puna dhe kanë “piketuar” lojtarin e Juventusit, Manuel Locatelli.
Drejtuesit e West Ham kanë bërë gati ofertën e parë dhe bëhet fjalë për 35 milionë euro, ndërsa 25-vjeçari ka kontratë deri në qershorin e vitit 2026 me Juventus.
Interesi i klubeve angleze është rritur ndjeshëm për tregun italian, ndërkohë që mbetet për t’u parë nëse ky operacion do të finalizohet me sukses apo jo.
