Ish-fundori i Trepçës, Ty Cockfield është rikthyer në basketbollin kosovar. Ai të hënën është prezantuar te skuadra e Proton Cable Prizrenit, pjesë e së cilës do të jetë për pjesën e mbetur të këtij edicioni. Cockfield e njeh mirë Superligën e Kosovës, pasi para dy edicionesh ishte pjesë e Trepçës dhe luajti me një mesatare prej 14.5 pikëve, 3.6 kërcimeve dhe 3.8 asistimeve për ndeshje.
Cockfield te Prizreni, do ta zëvendësoj amerikanin tjetër, Ryan Hughes. Prizreni këtë edicion nuk ka pasur start të mirë, ku pas gjashtë xhirove të luajtura, ka regjistruar një fitore dhe pesë humbje. Cockfield te Prizreni pritet të debutojë këtë fundjavë, në ndeshjen kundër Istogut.
