Presidentja e Komisionit Evropian, Ursula von der Leyen, të hënë pritet të qëndroj në Kosovë, raporton teve1.info
Sipas njoftimit të Zyrës së Presidentes, Vjosa Omsnai, von der Leyen do të qëndroj në takim me Osmanin me fillim nga ora 13:15, derisa pas takimit të mbyllur të dyja pritet t’i drejtohen medieve në konferencë për medie.
“Agjenda mediale e Presidentes Osmani për nesër (30 tetor 2023)
Në orën 13:15, Presidentja e Republikës së Kosovës, Vjosa Osmani pret në takim Presidenten e Komisionit Evropian, Ursula von der Leyen.
Mediat do të marrin pamje në fillim të takimit, ndërkaq më pas do të ketë konferencë për media”, thuhet në njoftimin e Presidencës.
Ndërsa, sipas njoftimit të Qeverisë, von der Leyen po ashtu do ta takoj kryeministrin Albin Kurti, takim ky që prite të zhvillohet një orë e gjysmë më vonë, derisa sipas njoftimit, këtu mediet mund të marrin pamje në oborrin e Qeverisë.
“Agjenda e Kryeministrit të Republikës së Kosovës e datës 30.10.2023
Kryeministri i Republikës së Kosovës, Albin Kurti, pret në takim Presidenten e Komisionit Evropian, znj. Ursula von der Leyen.
Shënim: Mediet mund të marrin pamje në oborrin e Qeverisë. Ekipet e medieve duhet të jenë në oborrin e Qeverisë më së voni në ora 14:15.
VENDI: Ndërtesa e Qeverisë
KOHA: 14:40”, thuhet në njoftimin e Qeverisë.
