Albin Krasniqi pritet të jetë afër dy muaj jashtë fushës për shkak të frakturës në këmbën e djathtë. Mesfushori Krasniqi u lëndua në fitoren 2:1 ndaj Gjilanit të shtunën mbrëma në “Fadil Vokrri”.
“Pas dëmtimit të pësuar në ndeshjen e fundit, Albin Krasniqi pritet të mungojë rreth dy muaj. Albini ka pësuar frakturë në këmbën e djathtë dhe pas ekzaminimeve të bëra sot, është konstatuar se do t’i mungojë fushave për rreth dy muaj. Me shpresën se do ta kalojë këtë periudhë me forcë dhe qetësi ashtu siç është në fushë, FC Prishtina duke i qëndruar afër në çdo moment, i dëshiron shërim të shpejtë. Forca Albin, të presim më të fortë”, ka shkruar të dielën FC Prishtina.