Sindikata e Policisë së Kosovës është shprehur e pakënaqur me propozimin e Qeverisë Kurti rreth shtesave të rrezikshmërisë për pjesëtarët e Ppolicisë së Kosovës.
Kryetari i kësaj Sindikate, Imer Zeqiri për teve1.info ka thënë se kjo vlerë është më e ultë, se sa ajo që kanë pasur më herët.
“Definitivisht ne nuk jemi të kënaqur me atë nivel të shtesave për rrezikshmërinë, sepse është qind për qind, në disa raste edhe më shumë se qind për qind më e ulët se sa ajo që kemi pasur më herët”, ka thënë ai.
Sa i përket raportimeve në media se Njësisë Speciale Intervenuese do të protestojë më 1 nëntor, ai ka thënë se nuk ka informacione dhe për këtë do të dalin në një komunikatë pas mbledhjes së Këshillit Drejtues të Sindikatës.
“Jo nuk jemi të informuar dhe dua të marrë informacione të sakta kur të kthena në Prishtinë, më u taku me të gjithë ata kolegë dhe atë sindikatë. Tani për tani nuk po mundëm më të thënë asgjë, sepse unë direkt nuk jam i informuar…nesër dhe pasnesër është vikend dhe e kemi të pamundur me e bë bashkë Këshillin Drejtues të Sindikatës, por të hënën apo të martën, para asaj që po thuhet se do të dalin në proteste ne do të dalim me komunikatë duke e analizuar situatën”./teve1.info
Policëve do t’u paguhen shtesat e rrezikshmërisë me pagën e nëntorit
