Zëvendësdrejtori i Policisë për Veri, Veton Elshani, tha se gjendja në katër komunat veriore të Kosovës është e qetë, por sipas tij vazhdon të jetë delikate, raporton teve1.info
Elshani në një prononcim para medieve pas aksionit të Policisë, i zhvilluar mëngjesin e së mërkurës në këto komuna, tha se janë bastisur tetë lokacione, të cilat lidhen me rastin e sulmit në Banjskë.
Elshani po ashtu tha se hetimet do të vazhdojnë për personat të cilët janë të dyshuar ëpr sulmin në Banjskë të Zveçanit derisa ka shtuar se nuk dihet sa do të zgjasin këto hetime.
“Siguria në katër komunat veriore është e qetë, mirëpo vazhdon të jetë delikate. Gjatë ditës janë bastisur 8 lokacione: 4 në komunën e Mitrovicës së Veriut, 3 në Zveçan dhe 1 në Banjskë të po kësaj komune. Deri tash nuk ka asnjë të arrestuar, pasi që hetimet po vazhdojnë për personat të cilët janë të dyshuar për sulmin, nuk dihet sa do të zgjasin për shkak që nuk ka pasur një rast si Banjska më herët”, deklaroi Elshani.
