Ambasadorja e Kosovës në Itali, Lendita Haxhitasim i ka shprehur ngushëllime familjes së ushtarit italian që humbi jetën dje në një aksident rrugor në rrugën Pejë – Klinë.
Ajo po ashtu ka shprehur mirënjohje për punën që po e bëjnë ushtarët italianë të kontigjentit të KFOR-it në Kosovë, përcjell teve1.info
“Ambasadorja Lendita Haxhitasim i shpreh dhimbjen dhe ngushëllimet e thella bashkëshortes, vajzës dhe të gjithë të afërmve të Claudio Cadeddu, ushtarit që shërbente në bazën e Pejës, i cili humbi jetën tragjikisht dje në një aksident rrugor në Kosovë, dhe ripërtërin vlerësimin dhe mirënjohjen për punën e rëndësishme dhe shumë profesionale që po kryejnë italianët e kontingjentit të KFOR-it në Kosovë”, thuhet në njoftimin e Ambasadës së Kosovës në Itali.
Ushtari italian që vdiq në aksident ishte i angazhuar në bazën e KFOR-it në Novosellë.
Në aksidentin që ndodhi në fshatin Leshan është lënduar dhe një civil, drejtuesi i një kamioni të përfshirë në ndeshje. Ai cilësohet si i dyshuar për aksidentin e shkaktuar dhe është dërguar në mbajtje për 48 orë. /Teve1.info/
