Cristiano Ronaldo vazhdon me formë të mirë në kontinentin aziatik. Ylli luzitan në fitoren e Al Nassr ndaj skuadrës tjetër nga Katari, Al Duhail me shifra 4:3 në kuadër të Ligës së Kampionëve, ka shënuar dy herë dhe asistuar njëherë.
Fillimisht portugezi asistoi për Talisca në minutën e 25′, për të shkuar në pushim me epërsi 1:0. Ndërsa në pjesën e dytë, Cristiano Ronaldo ka shënuar një gol të jashtëzakonshëm ndaj ekipit nga Katari, Al-Duhail. Në minutën e 61 të ndeshjes, Ronaldo bëri një goditje fantastike nga jashtë zonës shënoi për ta trefishuar epërsinë e ekipit të tij Al-Nassr.
Derisa në minutën e 81-të ai shënoi edhe golin e tij të dytë personal në këtë takim dhe të katërtin për Al-Nassr.
Pas kësaj ndeshjeje Ronaldo shkon në shifrën e tre golave të shënuar në Ligën e Kampionëve të Azisë, ndërsa në Ligën Saudite deri më tash ka shënuar 11 gola dhe ka bërë pesë asistime. Tani portugezi ka shënuar të paktën 20 gola në nivel klubi në 17 sezone radhazi, rekord ky i pabesueshëm.
CRISTIANO RONALDO WHAT A GOAL! 🤯 https://t.co/xm82p8qqXl
— TC (@totalcristiano) October 24, 2023
CRISTIANO RONALDO WHAT A GOAL! 🤯 https://t.co/F5zieJaxsl
— TC (@totalcristiano) October 24, 2023