Gjini përmes një njoftimi në Facebook, ka bërë të ditur se sot ka pritur në takim kryetarin e BIK-ut në Gjakovë, Valon Myrtaj dhe nënkryetarin, Ahmet Hoxha.
“Gjakova është shembull i rrallë i bashkëjetesës fetare vëllazërore. Gabimet dhe mosperceptimi i ndjeshmërive nuk mund të ndikojnë te asnjë qytetar i komunës së Gjakovës. Këshilli i Bashkësisë Islame të Kosovës në Gjakovë është institucion jashtëzakonisht i respektuar dhe në mënyrën më të mirë të mundshme i përfaqëson ndjenjat e besimtarëve myslimanë të komunës sonë. Jemi dakorduar që gabime të tilla si ai dje nuk bën të ndodhin në të ardhmen”, shkroi Gjini.
Këto reagime Gjini i bëri pasi dje në një shkollë në komunën e Gjakovës, ishte raportuar për vendosjen e një fotografie që ndalonte hyrjen e vajzave me shami në shkollë./teve1.info/
