Objekti i klasave të gjimnazit “Shaban Hashani”, është e rëndë, në këtë gjendje po e vijojnë nxënësit mësimin tash e katër vite.
Ata thonë kjo po u shkakton telashe në vijimin e mësimit, por edhe u janë paraqitur probleme shëndetësore për shkak të mungesës së higjienës në këtë objekt shkollor.
Se nxënësit janë prekur nga sëmundje të ndryshme si shkak i kushteve, e konfirmon edhe drejtoresha e shkollës Hajrije Nebihu.
Për shkak të këtyre kushteve, profesoresha Zoja Lohaj njoftoi se e ka paraqitur dorëheqjen.
Kurse drejtori i Arsimit në këtë komunë, Afrim Llabjani thotë se vonesat në ndërtimin e objektit të shkollës së re janë stopuar për më shumë se dy vjet për shkak të vendimeve nga Qeveria e Kosovës.
Ai premtoi se deri në fillim të vitit të ri kalendarik, nxënësit do të zhvendosen në objektin e ri shkollor.
