Milot Rashica, kryefjala e derbit turk Galatasaray-Besiktash.
Ylli dardan pritet të jetë një armët me të mëdha të Besiktashit në derbin me Galatasarayn, i cili sezonin e kaluar veshi fanellën verdhekuqe, shkruajnë mediat turke.
Trajneri i Besiktashit, Burak Yilmaz i cili është ulur në stol, pas dorëheqjes së Senol Gunesit është duke bërë një operacion për ti bërë probleme skuadrës kundërshtarë dhe me sulme të pareshtura në krye me yllin dardan, Milot Rashica.
Rashica e njeh nga afër verdhekuqët dhe Yilmaz do të ketë detyrë të veçantë për futbollistin kosovar. Kryendeshja e javës së 9 në Superligën turke, do të zhvillohet të shtunën, ndonëse bardhezinjtë janë me probleme të shumta, por do të kërkojnë pikët maksimale po në këtë ndeshje dhe pikërsht ndaj Galatasaray që po bën mirë në ligën turke, por edhe në Champions.
Duke marrë parasysh që futbollisti 27-vjeçar, e njeh nga afër Galatasarayn, me këtë skuadër që fitoi kampiontin e Turqisë, pritet ta ketë një rol drejtues në kundërsulme, sidomos në pjesën e parë.
Rashica i cili spikat me shpejtësinë e tij, do të mundohet ta zë mbrojtjen verdhekuqe në befasi dhe të shënojë gol apo edhe të shërbej skuadrën e tij.
Ylli dardan deri me tani ka shënuar dy gola në gjashtë ndeshje dhe shihet si golashënuesi më i mirë i Besiktasit së bashku me Vincent Aboubakar.
Rashica në këtë ndeshje do të hyjë një motiv shtesë marrëparasysh që në ndeshjen e fundit shënoi dy gola dhe shërbeu njëherë në fitoren e Kosovës në transfertë ndaj Andorrës, me të cilën e fituan dardanët me shifra 3:0.