Përpara medieve, tregoi për kërcënimet që ka marrë përgjatë vendimmarrjes për dekretim të kryeprokurorit të ri të shtetit.
Madje për to, tha se nuk ka deponuar as padi në institucionet e drejtësisë.
Presidenca ka heshtur nëse pas konferencës së të martës, në këtë institucion janë paraqitur persona zyrtarë për të marrë informacione në lidhje me pretendimet e presidentes Osmani.
E në ndërkohë, nga Zyra e Kryeprokurorit të Shtetit, për veprimet hetimore të mundshme, ka thënë se duhet të pyetet Këshilli Prokurorial i Kosovës.
“Për të marrë përgjigje në pyetjet e juaja, ju lutem drejtohuni Zyrës për Komunikim Publik në KPK”, ka thënë ajo për Tëvë1.
Mirëpo në pyetjet e televizionit për hapat hetimor të prokurorisë për deklarimet e presidentes se ka marrë kërcënime, Këshilli Prokurorial nuk ka kthyer përgjigje.
E një ditë më parë, ky institucion përmes një komunikate për media kishte mohuar pretendimet se akterë të saj kishin kërcënuar shefen e shtetit.
