Ai është shprehur se një gjë e tillë shkakton problem për të ardhmen e serbëve të Kosovës.
Sipas tij, për këtë duhet të përdoret modeli hungarez.
“Çështja edhe modeli i cili duhet të përdoret është modeli hungarez. Atë që Hungaria si shtet e bën me pakicat hungareze në Vojvodinë. Ata janë diku 350 mijë banorë, trefish më shumë se ne, kanë qenë të shpërndarë në disa parti, shtatë apo tetë parti. Por, Hungaria ka qenë shteti i cili ka thënë se kjo është linja politike që duhet ta ndiqni dhe mandej partitë janë rreshtu ose janë shpërbërë. Te ne, derisa nuk kemi një qasje të tillë, a duhet të jemi vazal të Serbisë, ta thojnë në Prishtinë. A duhet të jemi kundërshtues, apo duhet të jemi politikë, e cila kërkon me ngulm, pakompromis, të drejtat të cilat po na mohohen e që janë në përputhje me standardet ndërkombëtare. Në përputhje me atë që Kosova serbëve këtu u garanton. Dhe ne nuk po kërkojmë kurgjë tjetër, një formë reciprociteti me atë që Kosova si shtet u ofron serbëve të zbatohet edhe në Luginë të Preshevës”, tha ai në “Këndi i Debatit” në Tëvë 1.
Kamberi shtoi se askush në Luginën e Preshevës nuk beson se një marrëveshje eventuale mes Kosovës dhe Serbisë nuk do të sillte paqe dhe rehati, derisa nuk trajtohet drejt edhe çështja e Luginës së Preshevës. /Teve1.info/
