Me një pankartë, kjo parti e ka vlerësuar kryeministrin e Kosovës, Albin Kurti si “veteran të rrejshëm” të luftës së UÇK-së, raporton Teve1.info.
Kryetari i PSD-së, Dardan Molliqaj ka thënë se Kurti e ka hapur çështjen e veteranëve të UÇK-së atëherë kur po diskutohet çështja financiare, sepse sipas tij kryeministri i sheh veteranët si barrë për Kosovën.
“Kryeministri e ka nisur ditëve të fundit një fushatë për çështjen e veteranëve. Ne besojmë që prej që ekziston kjo çështje janë dy grupëzime kryesore që kanë trajtu këtë çështje, janë ata të cilët kanë kundërshtuar luftën e UÇK-së,i kanë akuzuar ata dhe të cilët e përdorin një keqpërdorim që ka ndodh nga disa veteran të rrejshëm këtë çështje për ta sulmuar UÇK-në dhe janë një grup i dytë të cilët kanë pasur kritika për manipulime që kanë ndodh. Kryeministri Kurti bën pjesë në grupin e parë për shkak se Kurti e këtë çeshtje e rihapi atëherë kur po diskutohet cështja financiare,sepse ai i sheh veteranët si barrë për shtetin e Kosovës”, tha ai.
Sipas tij, kryeministri Albin Kurti mund të jetë pjesëtar i UÇK-së, por nuk është veteran luftëtarë.
Molliqaj ka ftuar Prokurorinë që të nis nga sot hetimet për siç thotë ai deklaratën e rrejshme të Kurtit, e sipas tij në qoftë se Prokuroria nuk nis hetimet do të bëjë kallëzim penal ndaj kryeministrit.
“Ftojmë prokurorinë që të nis nga sot hetimet e menjëhershme sepse ekzistojnë dokumente kur është angazhuar dhe kur është tërhequr nga UÇK-ja dhe kur është nga Serbia dhe në të njëjtën kohë i sigurojmë secilit që të gjithë ata që duan ta denigrojnë luftën e UÇK-së do t’i kundërshtojmë me fakte dhe argumente dhe me bindje tona të thella. Nëse nuk fillojnë hetimet nga prokuroria për shkak se ekzistojnë prova për deklarim të rrejshëm të Kurtit atëherë ne në fillim të javës do të bëjmë kallëzim penal ndaj Kurtit për falsifikimin qe e ka bërë në këtë proces të çështjes së veteranit të UÇK-së”, tha më tej ai.
Ai në fund tha se “kryeministri i Kosovës është veteran i rrejshëm, po don mi sulmu veteranët e vërtetë”. /teve1.info/
