Janë bastisur tri lokacione në Mitrovicë të Veriut dhe Zveçan lidhur me rastin e Banjskës, raporton teve1.info
Lajmin për teve1.info e ka konfirmuar zëvendësdrejtori i Policisë së Kosovës në Veri, Veton Elshani.
Sipas tij, deri më tani nuk ka të arrestuar ndërsa nuk dihet për konfiskimet e mundshme.
Aksioni i së mërkurës i Policisë së Kosovës ka të bëjë me rastin e 24 shtatorit, kur nga një grup i armatosur serb e kishte sulmuar policinë e Kosovës duke e lënë të vrarë rreshterin Afrim Bunjaku.
Në aksionin pasues nga Policia, nga luftimet përreth Manastirit të Banjskës, u vranë tre sulmues.