Moskalimi i marrëveshjeve ndërkombëtare ka nisur një retorikë me akuza mes Lëvizja Vetëvendosje dhe PDK-së. Partia e Albin Kurtit thotë se opozita po e dëmton vendin në vlerë 360 milionë euro, derisa nga PDK thonë se qeveria Kurti ia humbi Kosovës hiç më pak se 800 milionë euro.
Moskalimi i marrëveshjeve ndërkombëtare është bërë mollë sherri mes pushtetit dhe opozitës.
Kriteri 80 plus i votave të Kuvendit, ka bërë që ato të mos mund të kalojnë, për shkak të mungesës së mbështetjes opozitare.
Dy taboret tashmë po e akuzojnë njëra tjetrën se kush po i bënë më shumë dëm vendit me këto veprime.
Mbi 300 milionë euro po thonë nga Lëvizja Vetëvendosje se po i humb vendi me mosvotimin e këtyre marrëveshjeve.
E në kundërakuzën e PDK-së, përmendet një shifër edhe më e lartë, që sipas tyre qeveria Kurti i ka bërë dëm vendit.
Arsyetimi tjetër i partisë që udhëhiqet nga Memli Krasniqi, është se nuk do të votojnë asnjë ligj në Kuvend, deri në shpërbërje të këtij të fundit.
Derisa, katër marrëveshjet ndërkombëtare që po presin ratifikimin janë zhvendosur sërish për një seancë tjetër.
Arton Rama