Futbollisti, Valmir Veliu është rikthyer te skuadra e Llapit. Trajneri, Tahir Batatina është shprehur i lumtur me kthimin e anësorit llapjan. Batatina thotë se Veliu është kthyer në një moment të rëndësishëm për Llapin. Ardhjen e anësorit e sheh për të arritur objektivat në fund si kampion i Kosovës.
Ndërsa, gjithashtu Batatina dha shenjë që Veliu do të luajë të dielën ndaj Lirisë në kuadër të xhiros së nëntë të Superligës.
23-vjeçari ka vendosur të rikthehet te Llapi pasi ka shkëputur kontratën me ekipin e Superligës së Turqisë, Gaziantep, që i skadonte në vitin 2025. Veliu edhe me parë ka qenë pjesë e Llapit, ekip me të cilin e ka fituar dy herë Kupën e Kosovës.
Ai në verën e vitit të shkuar u largua nga Llapi për t’u transferuar te Gaziantepi. Derisa në gjashtë muajt e fundit të edicionit të shkuar, Veliu ishte i huazuar tek Istanbulspori përpara se të rikthehej te Gaziantepi për këtë edicion.
Ndërsa “pika kulmore” pse Veliu u largua nga ekipi turk, ishte pasi nuk e futi në listën e lojtarëve që do të paraqiten në kampionat.
