Ministri i Brendshëm, Xhelal Sveçla i ka quajtur farsë, raportimet për ndalimin e kriminelit serb, Milan Radojiçiq, organizator i aktit terrorist në Banjskë.
Ai për mediumin kroat rtl.hr, u shpreh mes tjerash se në gjykatat serbe duhet të dalin para drejtësisë edhe ata që kanë dorëzuar armët.
“Është një lëvizje më simbolike e Serbisë për të dalë nga presioni i fuqive perëndimore. Nëse e dimë që ky është një hap thelbësor dhe lufta kundër krimit, atëherë duhet të arrestohet i gjithë grupi. Po kështu ata duhet t’i dorëzohen drejtësisë së Kosovës dhe të dënohen për atë që kanë bërë në Kosovë”, tha Sveçla.
I pyetur nëse Radoiçiq [arrestimi i tij] është kurban i Vuçiqit, Sveçla tha se mund të jetë, por nuk do të thotë.
“Unë mendoj se kjo është vetëm një farsë. Aq sa Radojçiq është i afërt me Vuçiqin, edhe Vuçiq është afër Radoiçiqit. Jemi të bindur se në planifikimin, mbështetjen dhe financimin e aksionit terrorist kanë qenë të përfshirë edhe Vuçiq, ministri i Mbrojtjes Vujeviq dhe shefi i Shtabit të Ushtrisë Serbe, Mojsiloviq. Nëse duam drejtësi të plotë, atëherë duhet të gjykohen në gjykatat serbe edhe ata që kanë dorëzuar armër. Ne kemi dëshmi për atëj organizatë terroriste. Të njëjtën gjë duhet ta bëjnë edhe ata që menaxhojnë kampet stërvitore, të cilat janë nën juridiksionin e ushtrisë serbe”, tha Sveçla.
Ndërsa, në pyetjen nëse po qetësohet situata, apo ka rrezik përshkallëzimi, ministri i Pumëve të Brendshme ka thënë se nuk mund të bëjnë analiza gjakftohtë, “sepse kemi të bëjmë me njerëz që nuk I thërrasin arsyes”.
“Që nga vitet ’90, kur kishim raste të hidhura si edhe i gjithë rajoni dhe luftërat e nisura nga Millosheviqi, Vuçiq ishte ministër i Propagandës. Tani shohim të njëjtat skenarë. Nuk mund të llogarisim në arsyeshmërinë e liderëve serbë. Për shkak të veprimeve dinamike të policisë së Kosovës dhe shtimit të numrit të ushtarëve të KFOR-it si dhe presioneve nga fuqitë perëndimore, mund të themi se situata është duke u qetësuar, por nuk llogarisim shumë në këtë”.
