Njohësi i çështjeve politike, Visar Xani, tha se Kosova është në pozicion të favorshëm në dialog me Serbinë pas zhvillimeve të fundit në veri, raporton teve1.info
Në emisionin debatues në Tëvë1, “Këndi i Debatit”, Xani tha se Koosva duhet ta shfrytëzoj këtë momentum që të kërkoj një garanci nga faktori ndërkombëtar për marrëveshjen eventuale me Serbinë.
Megjithatë, Xani tha se është vështirë të besohet se mund të ketë marrëveshje.
“Duket që për Kosovën është një pozicion i favorshëm edhe përkundër ngjarjeve kemi pa sinjale pozitive që Kosova është e interesuar ta vazhdoj pjesën e dialogimit dhe s’ka rrugë tjetër, duhet ta përdor këtë momentum dhe të paktën ai besimi që ishte ndaj Serbisë të zbeh dhe të kërkohet një garanci më rigoroze dhe një veprim më rigoroz karshi Beogradit dhe njëfarë mënyrë të lehtësohen edhe presioni, edhe gjuha diplomatike dhe politike ndaj Kosovës me qëllim që të kemi një marrëveshje. Por është vështirë të besohet që do të kemi përmbyllje të një procesi me një marrëveshje ose zbatim të planit evropian por që është Kosova në avantazh tash për tash, është kjo veç e dijshme për arsye se edhe në rastet kur ka kundërshtuar Kosova është vërtetuar që ka pas të drejtë për shkak të pasigurisë. Qoftë për hezitimin për Asociacioni qoftë hezitimi për moszbatim të marrëveshjeve të caktuara”, tha Xani.
Sipas tij, edhe Vuçiqi ka vullnet për të vazhduar me negociata, duke tentuar që të rivendoset edhe njëherë në pozicion më të lakmueshëm në raport me Kosovën në tryezën e dialogut.
“Duket që ka vullnet për të vazhduar procesi i negociatave. Këtë që po e bënë Vuçiqi sot është duke e bërë vetëm duke menduar për negociata, për tu rivendosur edhe një herë në një pozicion më të lakmueshëm për shkak që prej avantazhit që ishte në tryezën e bisedimeve në minutat e fundit e mori një ‘auto-gol’ me vlerë sa 3 gola dhe kjo disfatë e ka zënë të papërgatitur me planin e dështuar me kryekriminelin në veri në këtë rast e ka vendores në një pozicion të paimagjinueshëm për Beogradin për shkak që ishte një projekt për ta testuar edhe faktorin ndërkombëtar se sa toleron veprime të tilla”, tha ai