Kanë kaluar më shumë se një javë që nga sulmi terroristë në veri të Kosovës, ku mbeti i vrarë rreshteri policor Afrim Bunjaku dhe dy policë të tjerë u plagosën.
Që nga ky sulm terroristë kundër policë, dy pikat kufitare në veri të Republikës së Kosovës, Jarinjë dhe Bërnjak, vazhdojnë të jenë të mbyllura, shkruan teve1.info
Kështu është bërë e ditur edhe në përditësimin e sotëm të Ministrisë së Punëve të Brendshme.
Ndryshe, drejtori i policisë, Gazmend Hoxha dje ka prezantuar pamje të vendit ku terroristët serbë u përgatitën për sulmin në Banjskë.
Ai gjithashtu ka prezantuar edhe momentin e sulmit ku u vra polici Afrim Bunjaku.
“Vrasja e tij ka ndodhur me detonim të minës antikëmbësorike të detonuar nga afërsia me teledirigjues dhe me bateri elektrike që është përdorur nga grupi terrorist”, u shpreh ai.
Hoxha dhe Sveçla të dielën në një konferencë për media kanë publikuar disa pamje, të cilat thanë se janë nxjerrë nga dromët e konfiskuar së bashku me armë dhe pajisje tjera nga grupi terrorsit./teve1.info
