Deputetja e LDK-së, Hykmete Bajrami, ka thënë se serbët lokal në veri janë peng i politikave të Beogradit.
Ajo tha se shpreson që sulmi i 24 shtatorit dhe pamjet e sotme të pasurisë së Millan Radoiçiqit do të iu shërbejnë serbëve për të i hapur sytë se ata janë vetëm një vegel e Beogradit.
“Kjo ishte ajo çfarë ndodhi të dielën, por megjithatë kanë qenë të gjitha ata që ju kanë përgjigje këtyre strukturave kriminale dhe terroriste për më i bojkotu dhe më i leshu të gjitha institucionet e Republikës së Kosovës, aty ku ata punuan dhe kontribuuan një kohë të gjatë. Mandej i bojkotuan të gjitha këto, zgjedhjet i pamë se si i kanë bojkotuar dhe krejt kjo të bënë me kuptu se faktikisht ata janë peng i politikave të Beogradit dhe ne shpresojmë shumë se sidomos sulmi i 24 shtatorit me qenë një shans që ata t’i hapin sytë edhe ajo çfarë pamë, pasuria e Radoiçiqit, vila e të tjera, për më e pa që në fakt ata nuk janë gjë tjetër vetëm një vegel”, ka thënë ajo në emisionin “Info Nata” në Tëvë 1.
