Putin i bëri këto komente gjatë një bisede telefonike një orëshe me presidentin francez, Emmanuel Macron të martën mbrëma, tha Kremlini në një deklaratë.
Zyrtarët francezë thanë se lideri rus kishte rënë dakord të shqyrtonte planet për evakuimin e civilëve nga qyteti.
Franca, së bashku me Turqinë, Greqinë dhe disa grupe humanitare, i kanë paraqitur Putinit një plan për të evakuuar qytetin.
Në anën tjetër zyrtarët thanë se Putin i tha Macron-it, se do të “mendojë” për propozimin, mirëpo deri tash thuhet se Putin nuk ka dhënë asnjë garanci të tillë.
Zyrtarët rusë thanë se Putin i tha udhëheqësit francez se “për të zgjidhur situatën e vështirë humanitare në këtë qytet, militantët nacionalistë ukrainas duhet të ndalojnë rezistencën dhe të dorëzojnë armët”./Teve1/
