Portieri Gregor Kobel do të jetë pjesë e skuadrës së Borussia Dortmundit edhe për një periudhë të gjatë.
Ai së shpejti pritet ta rinovojë kontratën me ekipin nga Bundesliga, ka njoftuar “Kicker” të martën. Mësohet se marrëveshja mes palëve tashmë është arritur dhe gjithçka do të bëhet zyrtare brenda këtij muaji.
Me rinovimin e kontratës, Kobel do të mbetet te Dortmundi deri në vitin 2027 dhe do të ketë pagë vjetore prej 8 milionë eurosh. 25-vjeçari iu bashkua Dortmundit në vitin 2021 nga Stuttgarti për 15 milionë euro dhe këtë edicion ka regjistruar 7 paraqitje në të gjitha garat.
Kontrata e tij aktuale i skadon në vitin 2026, ndërsa paga e tij vjetore është 3.5 milionë euro.
