Ministria e Punëve të Jashtme ka reaguar për sulmin ndaj Policisë së Kosovës, ku një polic është vrarë, një është plagosur e një tjetër është lënduar.
MPJ ka thënë se riafirmojnë angazhimin për të mbështetur sundimin e ligjit dhe sigurinë në Kosovë, ndërsa kanë shtuar se mbështetja e Serbisë për dhunën dhe terrorizmin paraqet shkelje flagrante të sigurisë kombëtare dhe ligjeve.
“Teksa jemi të pikëlluar për humbjen e policit tonë, ne riafirmojmë angazhimin tonë për të mbështetur sundimin e ligjit dhe sigurinë në të gjithë territorin tonë. Mbështetja e dhunës dhe terrorizmit nga Serbia paraqet një shkelje flagrante të sigurisë tonë kombëtare dhe ligjeve, parimeve dhe vlerave ndërkombëtare”, thuhet në një postim në “X”.
MPJ u ka bërë thirrje ndërkombëtarëve që të dënojnë sulmet e sotme.
“Ne u bëjmë thirrje partnerëve tanë ndërkombëtarë që të dënojnë sulmet e sotme terroriste dhe përpjekjet destabilizuese të Serbisë në Kosovë dhe rajon në termat më të fortë të mundshëm”./teve1.info/
As we grieve the loss of our fallen officer, we reaffirm our commitment to upholding the rule of law & security on our entire territory. Serbia’s support of violence & terrorism represents a flagrant violation of our national security & international laws, principles, & values.
— MFA Kosova 🇽🇰 (@MFAKOSOVO) September 24, 2023
