Ambasada britanike në Kosovë ka reaguar për sulmin ndaj Policisë së Kosovës, ku një polic ka mbetur i vrarë, një i plagosur dhe një i lënduar.
Britania e Madhe ka dënuar sulmin e dhunshëm, dhe ka ngushëlluar familjen për policin e vrarë, Afrim Bunjaku, si dhe i ka uruar shërim të shpejtë të plagosurve.
Në njoftim në “X”, bëhet e ditur se Britania e Madhe ka kërkuar thirrje për qetësi dhe për zgjidhje paqësore të situatës në fshatin Banjskë të Zveçanit.
“Institucionet e Kosovës duhet të lejohen të hetojnë dhe të identifikojnë autorët e këtij sulmi të tmerrshëm, në mënyrë që ata të sillen para drejtësisë në përputhje me sundimin e ligjit. E mirëpresim bashkërendimin e ngushtë të Policisë së Kosovës, si reagues i parë, me EULEX-in dhe KFOR-in”, thuhet në njoftim./teve1.info/
1/3
The UK condemns the violent attack on Kosovo Police in Banjska/Banjskë in the early hours of this morning. Our deepest condolences go to the family and colleagues of Kosovo Police officer Afrim Bunjaku, killed in the line of duty.— UK in Kosovo 🇬🇧 (@UKinKosovo) September 24, 2023
