Profesori universitar, Nexhmedin Spahiu, thotë se në qoftë se Policia e Kosovës nuk arreston kryesit e aktit në veri, ku mbeti i vrarë një polic, atëherë mund të ketë situata të ngjashme ditëve në vijim.
Në kuadër të diskutimit për sulmin e fundit në veri, Spahiu vlerësoi që Kosova duhet ta ketë prioritare qetësimin e gjendjes atje.
“Në rast Policia e Kosovës është në gjendje të arrestojë terroristët, atëherë sigurisht që do të qetësohet gjendja. Por, në rast se ata arrijnë të ikin, kjo do të thotë që situate do të agravohet dhe ditëve në vijim mund të kemi situate të ngjashme. Kështu që, është detyrë e Kosovës që ta fikë zjarrin me fillim”, deklaroi Spahiu në edicionin Special në Tëvë1 për zhvillimet e fundit në veri.
Një zyrtar i Policisë së Kosovës është vrarë të dielën në veri të Kosovës.
Policia ka thënë se është sulmuar në fshatin Banjskë të Zveçanit, ku një zyrtar tjetër është plagosur dhe një tjetër është lënduar./teve1.info/.
