Përfaqësuesja speciale e sekretarit të Përgjithshëm (PSSP) dhe shefja e UNMIK-ut, Caroline Ziadeh, ka bërë thirrje që autorët e sulmit të së dielës në veri të vendit ku mbeti i vdekur një zyrtar policor dhe një tjetër është plagosur, të mbajnë përgjegjësi.
Përmes një postimi nga UNMIK-u në Twitter, thuhet se Ziadeh e ka dënuar ashpër këtë “incident tragjik”, teksa ka shprehur dhimbjen dhe ngushëllimet për policin e vrarë, përcjell teve1.info.
Njëherit thuhet se UNMIK-u po monitoron nga afër situatën dhe u kërkon të gjitha palëve të përmbahen.
“Përfaqësuesja Speciale e Sekretarit të Përgjithshëm dhe Shefja e UNMIK-ut, Caroline Ziadeh shpreh dhimbjen dhe ngushëllimet e saj të thella për humbjen e jetës së një polici të Kosovës dhe dënon pa mëdyshje këtë incident tragjik në termat më të ashpër”, thuhet në njoftim.
https://twitter.com/UNMIKosovo/status/1705866629177811181?ref_src=twsrc%5Etfw%7Ctwcamp%5Etweetembed%7Ctwterm%5E1705866629177811181%7Ctwgr%5E15e1d4fdd8574c1ba8e3288068aa7a22e3f6f465%7Ctwcon%5Es1_&ref_url=https%3A%2F%2Fwww.koha.net%2Farberi%2F393010%2Funmik-autoret-e-sulmit-ne-veri-te-mbajne-pergjegjesi-palet-te-permbahen%2F