Shërbimi Spitalor, Klinik Universitar i Kosovës (SHSKUK), ka bërë të ditur se është ngritur gjendja e gatishmërisë në institucionet shëndetësore të Kosovës si pasojë e zhvillimeve të fundit në veri.
Kjo pasi në sulmin e fshatit Banjskë në mëngjesin e së dielës, ka mbetur i vrarë një polic, teksa një tjetër është plagosur.
Njëherit, ShSKUK njofton se është ngritur gjendja e gatishmërisë në QKUK dhe spitalet e përgjithshme.
“ShSKUK: Ngrihet gjendja e gatishmërisë në institucionet shëndetësore Pas ngjarjeve të ndodhura në Leposaviq, Shërbimi Spitalor dhe Klinik Universitar i Kosovës (ShSKUK), ka ngritur gjendjen e gatishmërisë në QKUK dhe spitalet e përgjithshme. Gatishmëria është ngritur në Qendrën Klinike Universitare të Kosovës, Spitalin e Përgjithshëm të Mitrovicës dhe atë të Vushtrrisë. Njëkohësisht, ShSKUK njofton se mbrëmë mjekët e Spitalit të Mitrovicës dhe pastaj ata të QKUK-së, kanë trajtuar policët e plagosur të cilët pas ekzaminimeve mjekësore dhe ndërhyrjeve të nevojshme janë jashtë rrezikut për jetë. ShSKUK shpreh ngushëllime të thella për familjen e policit të vrarë dhe të plagosurve ju uron shërim të shpejtë!”, thuhet në njoftimin e ShSKUK-së.
