Kryetari i Partisë Demokratike të Kosovës, Memli Krasniqi, thotë se është i tronditur nga lajmi për vrasjen e zyrtarit të Policisë së Kosovës, dhe plagosjen e tjetrit, sot në pjesën veriore të Kosovës.
Krasniqi i ka shprehur ngushëllime familjes së policit të vrarë në detyrë, ndërsa policit të vrarë i ka uruar shërim sa më të shpejtë.
“Sot, në këtë moment të dhembjes, qëndrojmë të bashkuar në përkrahje të policëve tanë, të cilët, përkundër sfidave ditore e sulmeve të bandave kriminale të kontrolluara nga Beogradi, po mbrojnë sovranitetin shtetëror në pjesën veriore të shtetit tonë”, ka shkruar Krasniqi në Facebook.
Krasniqi ka kërkuar nga organet përgjegjëse që hetimet e plota të bëhet sa më shpejt dhe përgjegjësit të sillen para drejtësisë.
“Në të njëjtën kohë, apeloj tek të gjithë qytetarët për vigjilencë e vetëpërmbajtje, sepse përshkallëzimi i situatës në veriun e vendit tonë i konvenon vetëm Serbisë dhe bandave kriminale nën kontrollin e saj. Po ashtu, ftoj partnerët ndërkombëtarë të Kosovës që të dënojnë qartë sulmin dhe t’i kërkojnë Serbisë urgjentisht ndalimin e ndërhyrjeve në territorin e Kosovës dhe provokimit të mëtejmë të situatës”, ka shkruar tutje Krasniqi./teve1.info/
