Ai tha se nëse nisemi prej 14 shkurtit 2021, realisht ka pasur një reformë të Partisë Demokratike të Kosovës, pra sipas tij, me apo pa dashje partitë në Kosovë janë detyru me u reformu.
“Ky reformim ka qenë si pasojë e humbjes që e ka pësu, jo si pasojë e vullnetit por sidoqoftë unë mendoj që Vetëvendosja ka bërë një potez të mirë duke i detyru partitë me u reformu, por vetveten nuk e ka reformu, nëse e shikon grupin parlamentar të Vetëvendosjes e sheh që aty ka sasi mirëpo nuk ka cilësi”, tha Arifi.
Ai tha se reforma në PDK është një nisje e mirë për të krijuar seriozisht një opozitë më serioze dhe profesionale.
“Opozita në këtë rast PDK duhet të jetë më aktive më e zhurmshme sikur ka qenë opozita e dikurshme pozita e tashme, që mos ta kenë komoditetin që çkado që bëjnë është ok dhe kjo është pengesa e madhe në shoqërinë tonë, ne duhet të jemi më të zëshëm pavarësisht se çka ka ndodhur në të kaluaren. PDK duhet ta kuptojë që reforma nuk bëhet vetëm njëherë pavarësisht që kanë fillu por ato duhet të jenë të vazhdueshme dhe ta mbajnë synimin te reforma”, shtoi Arifi në Tëvë1.
