Unioni Evropian, në vazhdimësi ka kërkuar zbatimin e marrëveshjeve të arritura mes Kosovës dhe Serbisë.
Tashmë në kuadër të këtyre ujdive, me theks të veçantë, blloku evropian po kërkon që Kosova të nis sa më shpejt dhe pa parakushte, punën për themelimin e Asociacionit të komunave me shumicë serbe.
Këtë kërkesë të radhës të BE-së, e komentuan njohës të proceseve politike.
Njohësi i marrëdhënieve ndërkombëtare, Abrnor Sadiku thotë se pranimi i çdo kërkese që vjen nga ndërmjetësuesi i negociatave është i pashmangshëm.
Në të kundërt sipas tij, Kosova shkëputet nga rruga evropiane.
“Përveç sanksionimeve ekonomike që mund të jetë edhe pezullimi I përkohshëm I liberalizimit të vizave dhe në të njëjtën kohë Kosova mund të shndërrohet në një konflikt të ngrirë siç është Qipro dhe Palestina. Kjo është më e keqja e mundshme që mund ti ndodh Kosovës, na kthen njësoj sikurse në vitet e 90-ta, një vend të pashpresë”, u shpreh njohësi i çështjeve politike, Arbnor Sadiku.
E ish-diplomati Blerim Canaj, pret që kërkesat të jenë edhe më të ngurta.
Tëvë1 ka tentuar të marrë përgjigje edhe nga qeveria e Kosovës se cili është plani i tyre lidhur me kërkesën e BE-së për formimin e asociacionit, mirëpo të njëjtit nuk kanë qenë të qasshëm.
Autore: Valëza Sylejmani
