Mirënjohjen për çlirimin e vendit, banorët e Gjilanit e treguan në mënyrë të veçantë.
Në hyrje të qytetit, gjilanasit punuan në murale flamuj të shteteve mike.
Entuziazmin e vitit 1999, ata e përsëritën edhe kur u shpall pavarësia e Kosovës.
E të njëjtat punime tashmë po i rikthehen këtij qyteti.
“Ky projekt është me kthy intervenimin artistik të banorëve të lagjes që e kanë bo për nder të falënderimit të shteteve mike që e kanë çliru Kosovën. Kjo u bë fillimisht në vitin 99 prej banorëve të lagjes, një intervenim tjetër ka qenë në 2008 kështu që ne kemi dashtë me bo një projekt që e rikthen më shumë 99 por edhe të 2008-tës”, thotë Avni Shkodra, anëtar i organizatës ‘’varg e vijë”, Gjilan.
Projekti si i tillë tenton të ruajë origjinalitetin e 24 viteve më parë.
“Sa i përket pjesës artistike, siç i patë edhe pamjet, flamujt nuk është dashtë me qenë të përpunuar mirë dhe thëniet ka gabime në shkrime por qëllimi është me kthy atë mesazhin e vitit 1999, jo me pas shumë art por më shumë mesazh. Projekti është pritur gjithmonë tepër mirë, ka pas shumë entuziazëm. Ka pas shumë njerëz vullnetarë që na kanë ndihmu ndërkohë, kemi marrë shumë mesazhe të mira”, shprehet, Robert Masurica, profesor i artit figurativ.
Inaugurimi i projektit pritet të bëhet me datën 24 shtator
