Deputetja e LDK-së, Hykmete Bajrami, thotë se rritja ekonomike e Kosovës në tre mujorin e dytë të vitit 2023 është “më e ulëta ndonjëherë”.
Bajrami thotë se në kohën kur është votuar Qeveria Kurti II, rritja ekonomike në vend ka qenë mbi 16 për qind, ndërsa tashmë është 2.02 për qind.
“Ne e dimë që në atë kohë ka qenë edhe bumi postpandemik, por situata sot është rezultat i mungesës totale të politikave ekonomike: që 80 ditë vendin e kemi nën sanksione, që tri vite i kanë bllokuar investimet kapitale, nuk ka asnjë politikë fiskale, asnjë reformë për përmirësim të ambientit të biznesit,nuk ka rritje të pagave, 42% e buxhetit shkon në subvencione, vetëm 18% në investime kapitale që nuk arrijnë t’i shpenzojnë, nuk ka bashkëpunim me komuna, nuk ka dialog me biznese, korrupsion, nepotizëm dhe tenderë me negocim”, shkruan Bajrami.
