Si riaktivizim i Speciales, po shihen veprimet e së martës, bastisjet dhe thirrjet për paraqitje në zyrat e EULEX-it të ish eksponentëve të UÇK-së. Mirëpo këto po vlerësohen nga avokatë të akredituar të Speciales, si veprime të befasishme.
Për disa orë kryen bastisje në vendbanimin e dëshmorëve, Bahri dhe Faik Fazliu.
Të njëjtën ditë, në zyrat e EULEX-it, Zyra e Prokurorit të Specializuar e mori ish-komandantin e Ushtrisë Çlirimtare të Kosovës, Rrustem Mustafën.
E një ditë më pas, një pajisje telefonike i është konfiskuar edhe ish pjesëtarit të UÇK-së, Nait Hasani.
Gjykata Speciale veprime të tilla nuk kishte bërë qe disa muaj.
Andaj këto po konsiderohen si “riaktivizim” i Speciales.
Avokatja, Fehmije Gashi Bytyqi, thotë se janë dy mundësi që kanë dërguar gjykatën deri tek këto akte.
Megjithatë, si të pakuptimta veprimet e së martës të organeve të Speciales, i quan avokati, Kadri Osaj.
Televizioni ka kontaktuar edhe me Gjykatën Speciale për këto veprime por nga ky organ kanë thënë që nuk i komentojnë hetimet e tyre.
I akuzuari i fundit i Speciales, është Pjetër Shala, ndaj të cilit rëndojnë akuzat për krime lufte.