Kuvendi i Kosovës të enjten do të mbajë seancën e parë plenare për sesionin vjeshtor.
Në këtë seancë pritet të mbahet edhe debat parlamentar për çështjen e sigurimit të teksteve shkollore.
Gjithashtu, deputetët pritet të shqyrtojnë disa marrëveshje ndërkombëtare.
Shefja e Grupit Parlamentar të VV-së, Mimoza Kusari-Lila, pas mbledhjes së Kryesisë së Kuvendit tha se pret efikasitet gjatë sesionit vjeshtor.
Gjithashtu, Kusari-Lila, tha se nga takimi i 14 shtatorit mes kryeministrit të Kosovës, Albin Kurti dhe presidentit të Serbisë, Aleksandër Vuçiq, pret zbatimin e marrëveshjes së Brukselit dhe të Ohrit./teve1.info/
