Një 29-vjeçar dyshohet se ka bërë sot vetëvrasje në një objekt banesor në Ferizaj.
Zëdhënësi i Policisë, Kanun Veseli bën të ditur për Teve1.info se vdekja e viktimës është konstatuar në vendin e ngjarjes.
“Ju njoftojmë se rreth 13:00 kemi pranuar një informacion se në rrugën ‘Emin Duraku’ në Ferizaj në një objekt banesor në ndërtim e sipër, një person, mashkull i moshës rreth 29 vjeçar, dyshohet se ka bërë vetëvrasje. Mjekët nga Qendra Emergjente e Ferizajt, që kanë dalë në vendin e ngjarjes, kanë konstatuar vdekjen e tij. Ekipe të policisë rajonale kanë dalë në vendin e ngjarjes gjithashtu dhe po e hetojnë rastin”, tha ai.
Veseli theksoi se me vendim të prokurorit kujdestar, trupi i pajetë është dërguar në Institutin e Mjekësisë Ligjore për obduksion. /Teve1.info/
