Në 24 vjetorin e themelimit të Policisë së Kosovës, është bërë ekspozimi i pajisjeve dhe njësiteve policore në Sheshin ‘Ibrahim Rugova’ dhe sheshin ‘Skënderbeu’, në Prishtinë. Aty morën pjesë shumë qytetarë të cilët në të kaluar thanë se kanë shprehur interes për funksionin dhe rëndësinë e tyre.
Mëngjesin e së mërkurës sheshi “Skënderbeu” dhe ai “Ibrahim Rugova” në kryeqytet ishte përplot.
Aty u ekspozuan armë, robotikë, automjete, autoblinda, motorë, pajisje të forenzikës dhe ato të mjekësisë me rastin e shënimit të Ditës së Policisë së Kosovës.
Kjo ekspozitë e njësiteve dhe pajisjeve policore ngjalli interesim të madh nga të gjitha moshat, pasi sipas tyre në të kaluarën, po interesoheshin për funksionin dhe rëndësinë e tyre.
Madje aty pati edhe nga ata që nuk ishin në dijeni se teknologjia e Policisë së Kosovës ishte kaq e avancuar.
Shumë qytetarë u shprehen tejet të lumtur për punën e Policisë së Kosovës. Teksa njëri prej tyre komenton edhe sjelljet e disa zyrtarëve policorë.
E uniformën nuk e patën të veshur vetëm zyrtarët policorë. Aty ishin prezentë edhe një grup nxënësish nga shkolla fillore “Faik Konica” të cilët në shenjë nderimi u veshën njësoj sikurse ta.
Ndërkohë kjo pajisje gjatë gjithë kohës merrte vëmendje nga të gjithë, për të cilën Berat Shaqiri pjesëtar i njësisë së bombave tregoi funksionin e saj.
Me rastin e shënimit të 24-vjetorit të themelimit të Policisë së Kosovës, qytetarët kishin mundësinë të vizitonin edhe stacionet policore, mirëpo aty nuk pati pothuajse fare interesim.
Autor: Lendrina Kodrolli
