Udhëzimi administrativ për largimin e kryetarëve të komunës së Mitrovicës së Veriut, Zveçanit, Leposaviqit dhe Zubin Potokut nuk po shihet si zgjidhje.
Sipas njohësve të politikës dhe çështjeve juridike, ky udhëzim është vetëm blerje e kohës nga ekzekutivi për zgjatjen e mandatit të katër kryetarëve shqiptarë në atë pjesë.
Qeveria publikoi të martën draftin final të Udhëzimit Administrativ për largimin e katër kryetarëve të komunave veriore.
Por ky udhëzim nuk po shihet si zgjidhje. Madje po vlerësohet edhe si i pazbatueshëm në praktikë.
Njohësi i çështjeve politike, Arton Demhasaj thotë se ky veprim i Qeverisë është thjesht një model për blerje kohe, sa për t’ua zgjatur mandatin kryetarëve aktualë.
“Edhe me një marrëveshje që Qeveria e jonë..”
Nga ana tjetër, njohësi i çështjeve ligjore Anton Ndrecaj thotë se nuk mund të ketë garanci që 50 për qind e qytetarëve atje dalin në zgjedhje.
Sipas tij zgjidhja më e mirë është një marrëveshje politike.
Përveç me udhëzimin administrativ, kryetarët aktualë në Mitrovicën e Veriut, Zvecanit, Zubin Potokut dhe Leposaviqit mund të largohen edhe nëse nuk shkojnë një muaj në punë ose të njëjtit të japin dorëheqje.
Autor: Fetije Kamberi
