Çështja e sigurimit të librave, tanimë po diskutohet edhe në aspektin e pasojave ligjore që mund të prodhojë për dikasterin e arsimit.
Sipas Anton Nrecaj nga Instituti Clard, në këtë çështje ka bazë të mjaftueshme ligjore për nisje të hetimeve nga prokuroria.
Por interpretim tjetër ka avokati, Asdren Bytyqi.
Ai argumenton se ministria ka dështuar politikisht për sigurimin e teksteve shkollore, por që për këtë nuk parashihet ndonjë pasojë ligjore.
Në formë të kallëzimit penal, dy partitë opozitare PDK e LDK, paralajmëruan sfidimin e ministres Nagavci për sigurimin e teksteve shkollore.
Por të paqasshëm gjatë së martës ishte Prokuroria Themelore në Prishtinë, në pyetjet e televizionit nëse kanë marrë ndonjë veprim hetimor për këtë çështje.
