Skuadra e Fenerbahçes po synon edhe një lëvizje të fundit para mbylljes së afatit kalimtar në Turqi të premten.
Mediumet turke kanë raportuar se Fenerbahçe ka gjasa të mëdha t’i sigurojë shërbimet e mesfushorit të Italisë, Jorginhos.
Bëhet e ditur se klubi turk edhe në negociata me Arsenalin, ekip që po kërkon rreth 20 milionë euro për kartonin e mesfushorit. Jorginho është i gatshëm të largohet nga Arsenali pasi ka humbur vendin e titullarit dhe te Fenerbahçe po shihet si përforcim i duhur për mesfushën.
Këtë edicion, Jorginho ka vetëm 18 minuta lojë në Premier League, ndërsa me Arsenalin ka kontratë deri në vitin e ardhshëm, me opsionin e vazhdimit edhe për një vit tjetër. Jorginho iu bashkua Arsenalit në janar të këtij viti nga Chelsea, ndërsa karrierë ka bërë edhe te Napoli e Verona.
